இஸ்ரேலுக்கும் பாலஸ்தீனத்திற்கு இடையே மோதல் நடைபெற்று வரும் நிலையில் காஷ்மீரில் பாலஸ்தீனத்திற்கு ஆதரவாக பதாகை வைக்கப்பட்டது சர்ச்சையை ஏற்படுத்தியுள்ளது.
இஸ்ரேலுக்கும் பாலஸ்தீனத்திற்கும் இடையில் பல ஆண்டு காலமாக மோதல் நிலவி வருகிறது. தற்போது சில வாரங்களுக்கு முன்னதாக இஸ்ரேல் மீது ஹமாஸ் என்ற அமைப்பினர் பயங்கரவாத தாக்குதல் நடத்தி வருகின்றனர். இதனையடுத்து இரு தரப்பினரும் ராக்கெட்டுகளை ஏவி தாக்குதல் நடத்திவருகின்றனர். இந்த தாக்குதலில் காசா முனையில் இதுவரை 192 பேர் உயிரிழந்துள்ளனர். இதனை தொடர்ந்து இஸ்ரேலில் 10 பேர் உயிரிழந்துள்ளனர்.
இந்த தாக்குதலை கண்டித்து உலகின் பல்வேறு பகுதிகளில் உள்ள மக்கள் போராட்டங்களில் ஈடுபட்டு வருகின்றனர். அதன்படி காஷ்மீரில் ஸ்ரீநகர் பகுதியில் பாலஸ்தீன மக்களுக்கு ஆதரவாக சுவர் ஓட்டிகள் மற்றும் பதாகை வைக்கப்பட்டுள்ளது. அதில் நாங்கள் பாலஸ்தீனம் என எழுதப்பட்டுள்ளது. இதனால் பல சர்ச்சைகள் எழுந்துள்ளது. இதனையடுத்து அப்பகுதியில் சிலர் பாலஸ்தீன கொடியை அந்த பதாகையின் மீது வைத்துள்ளனர்.
இச்சம்பவம் தொடர்பாக வழக்கு பதிவு செய்த காவல்துறையினர் கொரோனா காரணத்தால் ஊரடங்கு போடப்பட்டுள்ள நிலையில் அனுமதி இன்றி பாலஸ்தீனத்திற்கு ஆதரவாக போராடிய 20 பேரை போலீசார் கைது செய்து விசாரணை நடத்தி வருகின்றனர். மேலும் அமைதிக்கு இடையூறு ஏற்படுத்துபவர்கள் மீது உரிய நடவடிக்கை எடுக்கப்படும் என்று காவல்துறையினர் தெரிவித்துள்ளனர்.