முக கவசம் அணியாத குற்றத்திற்காக 224 பேர் மீது காவல்துறையினர் வழக்குபதிவு செய்து அபராதம் விதித்துள்ளனர்.
தமிழகத்தில் கொரோனா இரண்டாவது அலை வேகமாக பரவி வருகிறது. இதனைக் கட்டுப்படுத்துவதற்காக தமிழக அரசு வரும் 24-ஆம் தேதி வரை முழு ஊரடங்கு பிறப்பித்துள்ளது. அதன்படி காலை 10 மணி வரை மட்டுமே அத்தியாவசிய கடைகள் இயங்கும் எனவும் அறிவித்துள்ளது.
மேலும் தேவையின்றி வாகனங்களில் சுற்றித் திரிபவர்கள் மீது கடும் நடவடிக்கை எடுக்க அதிகாரிகளுக்கு அரசு உத்தரவிட்டுள்ளது. அதன்படி மதுரை மாவட்டத்தில் நேற்று முன்தினம் ஒரே நாளில் 224 நபர்கள் முக கவசம் அணியாமலும் சாலைகளில் தேவையின்றி சுற்றித்திரிந்த குற்றத்திற்காகவும் அவர்கள் மீது வழக்குபதிவு செய்யப்பட்டு அபராதம் விதிக்கப்பட்டுள்ளது.