இங்கிலாந்தில் சுற்றுப்பயணம் மேற்கொண்டு ,இந்திய அணி உலக டெஸ்ட் சாம்பியன்ஷிப் இறுதி போட்டி மற்றும் இங்கிலாந்துக்கு எதிரான போட்டிகளில் விளையாட உள்ளது.
இந்த போட்டிகளில் விராட் கோலி தலைமையில் அமைந்த , 20 பேரை கொண்ட இந்திய அணி வருகின்ற ஜூன் மாதம் முதல் வாரத்தில் இங்கிலாந்திற்கு புறப்படுகிறது . இந்த போட்டியில் பங்கு பெறுவதற்கு முன், வீரர்கள் அனைவரும் பாதுகாப்பு வளையத்திற்குள் இருப்பதற்கான நெறிமுறைகளை பிசிசிஐ முன்பே தெரிவித்திருந்தது. அதில் இந்திய வீரர்கள் அனைவரும் 18 நாட்கள் தனிமைப்படுத்தப் படுவார்கள் என்று தெரிவித்த நிலையில், தற்போது அதன் எண்ணிக்கை 24 ஆக அதிகரிக்கப்பட்டுள்ளது. எனவே பிசிசிஐ-யின் திட்டத்தின்படி ,இந்திய வீரர்கள் அனைவரும் இன்று ஹோட்டலில் தனிமைப்படுத்துதலை தொடங்க உள்ளன. இதில் மும்பையில் வசித்து வரும் கேப்டன் விராட் கோலி, ரோகித் சர்மா ,துணை கேப்டனான ரஹானே மற்றும் பயிற்சியாளர் ரவிசாஸ்திரி ஆகியோருக்கு சலுகை வழங்கப்பட்டுள்ளதால் ,அவர்கள் 24 ம் தேதி ஹோட்டலில் பாதுகாப்பு வளையத்திற்குள் இணைய உள்ளனர்.
இதற்கு முன்பாக 5 நாட்களில் அவர்களுடைய வீட்டில் தனிமைப்படுத்துதலை , தீவிரமாக கடைபிடிக்க வேண்டும் என்று உத்தர விடப்பட்டுள்ளது. அத்துடன் இந்திய கிரிக்கெட் மகளிர் அணி வீராங்கனைகளும், இங்கிலாந்தில் விளையாட உள்ளதால் அவர்களும் மும்பையில் தனிமைப்படுத்தப்பட உள்ளனர். நீண்டகால தொடர் என்பதால், வீரர்களின் குடும்பத்தினரும் உடன் இருப்பதற்கு பிசிசிஐ அனுமதி அளித்துள்ளன. எனவே இந்திய வீரர்கள் மும்பை ஹோட்டலில் 2 வாரங்கள் தனிமைப்படுத்தல் முடிந்து, இங்கிலாந்திற்கு தனி விமானத்தின் மூலம் செல்ல உள்ளனர். அங்கு சென்றதும் போட்டி நடப்பதற்கு முன்பாக, 10 நாட்கள் தனிமைப்படுத்தபட உள்ளன. இந்நிலையில் இங்கிலாந்து செல்வதற்கு முன்பாக போட்டியில், பங்குபெறும் இந்திய வீரர் வீராங்கனைகளுக்கு, 3 முறை கொரோனா பரிசோதனை செய்யப்படும் என்றும் ,பரிசோதனையில் ‘நெகட்டிவ் ‘முடிவு வந்தால் ,மட்டுமே அவர்கள் போட்டியில் பங்கு பெற முடியும் என்று பிசிசிஐ திட்டவட்டமாக தெரிவித்துள்ளது .