விருதுநகர் மாவட்டத்தில் இருசக்கர வாகனத்தில் சென்று கொண்டிருந்த போது திடீரென நிலை தடுமாறி விபத்திற்குள்ளானதில் ஒருவர் உயிரிழந்துள்ளார்.
விருதுநகர் மாவட்டம் காரியாபட்டி அருகே உள்ள செட்டிகுளம் பஞ்சாயத்தில் கருணாநிதி(40) என்பவர் செயலாளராக பணிபுரிந்து வந்துள்ளார். இந்நிலையில் உடுப்புகுளத்தை சேர்ந்த தனுஷ்கோடி(62) என்பவருடன் நேற்று இரு சக்கர வாகனம் மூலம் ஆட்சியர் அலுவலகத்திற்கு சென்று கொண்டிருந்துள்ளார். இதனையடுத்து அவர்கள் இருவரும் மதுரை சாலையில் உள்ள மேம்பாலத்தில் சென்று கொண்டிருந்த போது திடீரென இருசக்கர வாகனம் நிலைதடுமாறி கீழே விழுந்துள்ளது.
இச்சம்பவத்தில் கருணாநிதி பலத்த காயமடைந்து சம்பவ இடத்திலேயே உயிரிழந்துள்ளார். இதனைத்தொடர்ந்து தனுஷ்கோடி படுகாயமடைந்த நிலையில் சிகிச்சைக்காக மதுரை அரசு மருத்துவமனைக்கு அனுப்பி வைக்கப்பட்டுள்ளனர். அங்கு அவருக்கு தீவிர சிகிச்சை அளிக்கப்பட்டு வருகிறது. மேலும் இச்சம்பவம் குறித்து காவல்துறையினர் வழக்குப்பதிவு செய்து விசாரணை நடத்தி வருகின்றனர்.