வாலிபரிடம் 2 பேர் கத்தி முனையில் பணம் பறிக்க முயற்சி செய்து மோட்டார் சைக்கிளை சேதப்படுத்திய சம்பவம் பரபரப்பை ஏற்படுத்தியுள்ளது.
சென்னை மாவட்டத்திலுள்ள நெற்குன்றம் பகுதியில் ஜோன்ஸ் என்பவர் வசித்து வருகிறார். இவர் அயனம்பாக்கத்தில் இருக்கும் தனியார் நிறுவனத்தில் ஊழியராக பணிபுரிந்து வந்துள்ளார். இந்நிலையில் ஜோன்ஸ் தனது நிறுவனத்திற்கு எதிரே நின்று கொண்டு செல்போனில் பேசியுள்ளார். இதனை அடுத்து அவ்வழியாக வந்த 2 மர்ம நபர்கள் கத்திமுனையில் ஜோன்ஸின் செல்போனையும், அவரது சட்டை பையில் வைத்திருந்த பணத்தையும் பறிக்க முயற்சி செய்துள்ளனர். அப்போது ஜோன்ஸ் அவர்களிடம் இருந்து தப்பித்து உடனடியாக தனது நிறுவனத்திற்குள் நுழைந்து விட்டார்.
இதனால் கோபமடைந்த அந்த 2 மர்ம நபர்களும் அங்கு நிறுத்தி வைக்கப்பட்டிருந்த மோட்டார் சைக்கிளை அடித்து சேதப்படுத்தியுள்ளனர். இதுகுறித்து திருவேற்காடு காவல் நிலையத்தில் ஜோன்ஸ் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் நடத்திய விசாரணையில் அந்த 2 பேரும் அயனம்பாக்கம் பகுதியில் வசிக்கும் பிரதீப், சரத்குமார் என்பது தெரியவந்துள்ளது. அதன்பின் அவர்கள் இருவரையும் கைது செய்த காவல்துறையினர் தீவிர விசாரணை மேற்கொண்டு வருகின்றனர்.