இயக்குனர் கண்ணன் இயக்கும் புதிய படத்தில் அதர்வாவுக்கு ஜோடியாக அனுபமா பரமேஸ்வரன் நடித்து வருகிறார்.
அதர்வா நடிப்பில் சமீபத்தில் வெளியான ”100” திரைப்படம் ரசிகர்களிடையே நல்ல வரவேற்பை பெற்ற நிலையில் இயக்குனர் கண்ணன் இயக்கும் புதிய படத்தில் அதர்வா நடித்து வருகிறார். இப்படத்தில் அதர்வாவுக்கு ஜோடியாக பிரேமம், கொடி படங்களில் நடித்த அனுபமா பரமேஸ்வரன் நடித்து வருகிறார். குடும்பம் மற்றும் உறவுகளை மையப்படுத்தி உருவாகும் இப்படத்தின் முதல் கட்டத்தை நடிகர் அதர்வா முடித்துள்ளார்.
இன்னும் பெயரிடப்படாத இப்படத்தில் அதர்வா பிஎச்.டி பட்டதாரியாகவும், அனுபமா பரதநாட்டிய கலைஞராகவும் நடிக்கின்றனர். இந்த ஆண்டின் இறுதியில் வெளியிடப்படவுள்ள இந்த படம் அனைவராலும் ரசிக்கப்படும் என இயக்குனர் கண்ணன் தெரிவித்துள்ளார்.