நடிகர் அஜித்தின் வலிமை படம் ஓடிடியில் ரிலீஸாக இருப்பதாக தகவல் பரவி வருகிறது.
தமிழ் திரையுலகில் நட்சத்திர நாயகனாக வலம் வரும் அஜித் நடிப்பில் ஹெச் வினோத் இயக்கத்தில் உருவாகி வரும் திரைப்படம் வலிமை. இந்த படத்தில் ஹூமா குரேஷி, கார்த்திகேயா, ராஜ் ஐயப்பா, சுமித்ரா உள்ளிட்ட பலர் முக்கிய கதாபாத்திரத்தில் நடித்து வருகின்றனர். போனி கபூர் தயாரிக்கும் இந்த படத்திற்கு யுவன் சங்கர் ராஜா இசையமைக்கிறார். அஜித்தின் பிறந்த நாளில் வலிமை படத்தின் பர்ஸ்ட் லுக் போஸ்டர் வெளியாக இருந்த நிலையில் கொரோனா இரண்டாவது அலை காரணமாக பர்ஸ்ட் லுக் ரிலீஸ் தள்ளி வைக்கப்பட்டது.
இந்த படத்தின் படப்பிடிப்பு 95% நிறைவடைந்துள்ளது. மேலும் இந்த ஆண்டின் இறுதிக்குள் இந்த படம் வெளியாகும் என ரசிகர்கள் எதிர்பார்த்துக் கொண்டிருக்கின்றனர். இந்நிலையில் வலிமை படம் ஓடிடியில் ரிலீஸாக இருப்பதாக தகவல் பரவி வருகிறது . இதனை பலரும் மறுத்து வரும் நிலையில் வலிமை படம் ஓடிடியில் ரிலீசாகிறது என்ற தகவல் டுவிட்டரில் ட்ரெண்டாகி வருகிறது . தற்போது இதற்கு ஓடிடி டுவிட்டர் தரப்பு மறுப்பு தெரிவித்துள்ளது.