பிரபல நடிகர் ஜனகராஜ் தனது பிறந்தநாளன்று சமூக வலைதளமான டுவிட்டரில் இணைந்துள்ளார்.
தமிழ் திரையுலகில் ரஜினி, கமல் போன்ற பல டாப் ஹீரோக்களின் படங்களில் காமெடி காட்சிகளில் நடித்து பிரபலமடைந்தவர் ஜனகராஜ். இவர் நகைச்சுவை மட்டுமல்லாது குணச்சித்திர கதாபாத்திரங்களிலும் நடித்து அசத்தியுள்ளார். இதன் பின் சினிமாவில் இருந்து விலகியிருந்த நடிகர் ஜனகராஜ் கடந்த 2018-ஆம் ஆண்டு விஜய் சேதுபதி, திரிஷா நடிப்பில் வெளியான 96 படத்தின் மூலம் ரீ-என்ட்ரி கொடுத்தார். இந்த படத்தில் ஜனகராஜ் பள்ளி காவலாளி கதாபாத்திரத்தில் நடித்திருந்தார் என்பது குறிப்பிடத்தக்கது.
https://twitter.com/ActorJanagaraj/status/1395001647496060931
மேலும் இவர் நடிகர் சாருஹாசனின் ‘தாதா 87’ படத்தில் நடித்திருந்தார். இந்நிலையில் நடிகர் ஜனகராஜ் தனது பிறந்தநாளை முன்னிட்டு சமூக வலைதளமான டுவிட்டரில் இணைந்துள்ளதாக தெரிவித்துள்ளார். அதில் ‘எனது பிறந்தநாளில் எனது டுவிட்டர் பயணத்தை இன்று தொடங்குவதில் நான் மிகவும் மகிழ்ச்சியடைகிறேன்’ என குறிப்பிட்டுள்ளார் . தற்போது நடிகர் ஜனகராஜுக்கு ரசிகர்கள் பிறந்தநாள் வாழ்த்துக்கள் தெரிவித்து வருகின்றனர்.