சாலையில் சென்று கொண்டிருக்கும் போதே கார் தீப்பிடித்து எரிந்த சம்பவம் பரபரப்பை ஏற்படுத்தியுள்ளது.
கோயம்புத்தூர் மாவட்டத்திலுள்ள புளியம்பட்டி பகுதியில் அப்துல் நபி என்பவர் வசித்து வருகிறார். இந்நிலையில் அப்துல் நபி தனது குடும்பத்துடன் அன்னூரில் இருந்து புளியம்பட்டிக்கு காரில் புறப்பட்டுள்ளார். இதனையடுத்து இவர்களது கார் ஆம்போதி நால்ரோடு சந்திப்பில் சென்று கொண்டிருந்தபோது, காரின் முன் பகுதியில் இருந்து திடீரென கரும்புகை வெளியேறியது.
இதனைப் பார்த்ததும் அதிர்ச்சி அடைந்து காரில் பயணித்த 3 பேரும் உடனடியாக கீழே இறங்கி விட்டனர். அதன்பின் கார் மளமளவென தீப்பிடித்து எரிய ஆரம்பித்துள்ளது. இதுகுறித்து தகவல் அறிந்த அன்னூர் தீயணைப்பு நிலைய வீரர்கள் சம்பவ இடத்திற்கு விரைந்து சென்று காரில் பற்றி எரிந்த தீயை அணைத்து விட்டனர். மேலும் இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.