தமிழகத்தில் கொரோனா அச்சுறுத்தல் காரணமாக ஊரடங்கு அமலில் உள்ளது. அதனால் பள்ளி மற்றும் கல்லூரிகள் அனைத்தும் மூடப்பட்டுள்ளன. பள்ளிகளில் 12 ஆம் வகுப்பு மாணவர்களை தவிர மற்ற வகுப்பு மாணவர்கள் அனைவரும் தேர்வு இன்றி தேர்ச்சி பெறுவதாக அறிவிக்கப்பட்டுள்ளது.ஆனால் கொரோனா பாதிப்பு குறைந்த பிறகு விரைவில் 12ஆம் வகுப்பு மாணவர்களுக்கு பொதுத் தேர்வு நடைபெறும் என தமிழக அரசு அறிவித்துள்ளது.
இந்நிலையில் அரசு மற்றும் அரசு நிதி உதவி பெறும் பள்ளிகளுக்கான இலவச பாடப்புத்தகங்கள் 1 வகுப்பு முதல் 12 ஆம் வகுப்பு வரை அச்சடித்து முடிக்கப்பட்டுள்ளன. இதுவரை 6 கோடி இலவச பாட புத்தகங்கள் அனைத்து பள்ளிகளுக்கும் அனுப்பப்பட்டு விட்டதாகவும், பள்ளிகள் எப்போது திறக்கப்பட்டாலும் இலவசமாக வழங்கும் வகையில் தயாராக உள்ளதாகவும் பள்ளி கல்வித்துறை தெரிவித்துள்ளது.