நடிகர் அக்ஷய் குமார் நடிப்பில் உருவாகியுள்ள 2 படங்கள் ஓடிடியில் ரிலீஸாக இருப்பதாக தகவல் வெளியாகியுள்ளது.
பிரபல பாலிவுட் நடிகர் அக்ஷய் குமார் நடிப்பில் இயக்குனர் ரஞ்சித் எம்.திவாரி இயக்கத்தில் உருவாகியுள்ள திரைப்படம் பெல்பாட்டம் . இந்த படத்தில் வாணி கபூர், ஹூமா குரேஷி, லாரா தத்தா, அனிருத் தேவ் உள்ளிட்ட பலர் முக்கிய கதாபாத்திரத்தில் நடித்துள்ளனர். 1980-களில் நடந்த உண்மை சம்பவங்களை அடிப்படையாக கொண்டு இந்த படம் உருவாகியுள்ளது. மேலும் இந்த படத்தை திரையரங்குகளில் வெளியிட படக்குழு முடிவு செய்திருந்தது.
இந்நிலையில் கொரோனா இரண்டாவது அலை பரவல் காரணமாக பெல்பாட்டம் திரைப்படம் நேரடியாக ஓடிடியில் ரிலீஸாக இருப்பதாக தகவல் வெளியாகியுள்ளது. இதேபோல் ரோஹித் ஷெட்டி இயக்கத்தில் அக்ஷய்குமார், கத்ரீனா கைஃப் நடிப்பில் உருவாகியுள்ள சூரியவன்ஷி படமும் ஓடிடியில் ரிலீஸாக உள்ளது. கடந்த வருடம் லாரன்ஸ் இயக்கத்தில் அக்ஷய் குமார் நடித்திருந்த லட்சுமி பாம் படமும் ஓடிடியில் ரிலீசானது குறிப்பிடத்தக்கது. இந்த படம் தமிழில் வெளியாகி சூப்பர் ஹிட்டடித்த காஞ்சனா படத்தின் ஹிந்தி ரீமேக்காகும் .