சென்னை கேகே நகரில் உள்ள PSBB பள்ளியில் ஆசிரியர் ஒருவர் மாணவிக்கு பாலியல் துன்புறுத்தல் செய்ததற்கு தமிழச்சி தங்கபாண்டியன் கண்டனம் தெரிவித்துள்ளார்.
கொரோனா தொற்று காரணமாக பள்ளி மாணவ மாணவியர்களுக்கு ஆன்லைன் மூலம் பாடங்கள் நடத்தப்பட்டு வருகின்றது. பள்ளிக்கு சென்று வரும்போது தான் பாலியல் துன்புறுத்தல்கள், கற்பழிப்பு போன்ற சம்பவங்கள் நடைபெற்று வருகிறது என்றால், தற்போது வீட்டில் இருந்து பாடம் பயிலும் மாணவியர்களுக்கும் இதுபோன்ற சம்பவங்கள் நடைபெற்று வருகின்றது. ஆன்லைனில் பாடம் கற்பிக்கும் ஆசிரியரே மாணவிக்கு பாலியல் துன்புறுத்தல் தந்தது பெரும் அதிர்ச்சியை ஏற்படுத்தியுள்ளது.
சென்னை கே.கே நகரில் உள்ள பி.எஸ்.பி.பி பள்ளி ஆசிரியர் ராஜகோபாலன் என்பவர் ஆன்லைன் வகுப்பு நடைபெறும்போதே மாணவிகளுக்கு பாலியல் தொல்லை தருவதாக மாணவிகள் புகார் தெரிவித்திருந்தனர். இதையடுத்து ஆசிரியர் ராஜகோபாலன் மீது பாரபட்சமின்றி நடவடிக்கை எடுக்கப்படும் என்று பி.எஸ்.பி.பி. பள்ளி நிர்வாகம் உறுதி அளித்துள்ளது. குற்றம் சாட்டப்பட்டவர் மீது உரிய விசாரணை செய்து சட்டப்படி நடவடிக்கை எடுக்கப்பட வேண்டும். மத்திய-மாநில பள்ளிக் கல்வித் துறையினர், கடும் நடவடிக்கை எடுக்க உறுதி செய்ய வேண்டும் தமிழச்சி தங்கபாண்டியன் வலியுறுத்தியுள்ளார்.