தெலுங்கானா மாநிலம் சோதனைச் சாவடி ஒன்றில் அதிவேகமாக வந்த இருசக்கர வாகனம் ஒன்று தடுப்பு கேட் மீது மோதி ஒருவர் பலியாகும் பதைபதைக்க வைக்கும் சிசிடிவி காட்சிகள் வெளியாகியுள்ளன.
மஞ்சு சீரியலா மாவட்டத்திலுள்ள தவளப்பூர் சோதனைச் சாவடியில் தடுப்பு கேட் இறக்கப்பட்டு போலீசார் சோதனையில் ஈடுபட்டு வந்தனர். அப்போது அவ்வழியாக இருசக்கர வாகனத்தில் இரண்டு பேர் அதிவேகமாக வந்ததை கவனித்த காவலர் நிறுத்துமாறு சைகை செய்தனர். ஆனால் அதிவேகமாக வந்த இருசக்கர வாகனம் தடுப்பு கேட்டின் மீது மோதியதில் பின்னால் அமர்ந்திருந்த இளைஞர் தலைகுப்புறக் கீழே விழுந்து பலியானார்.
இதன் சிசிடிவி காட்சிகள் தற்போது வைரலாகி வருகிறது. இது குறித்து கூறியுள்ள போலீசார் ஊரடங்கு உத்தரவு பிறப்பிக்கப்பட்டுள்ளது. இதன் காரணமாக போலீசாரிடம் மாட்டிக் கொள்ளாமல் இருக்க அதிவேகமாக சென்ற இளைஞர்கள் கட்டுப்பாட்டை இழந்து தடுப்பு கேட்டின் மீது மோதி இறந்து விட்டதாக கூறினர்.