21 கிலோ கஞ்சாவை கடத்திச் சென்ற 5 வாலிபர்கள் காவல்துறையினரால் கைது செய்யப்பட்டுள்ளனர்.
மதுரை மாவட்டத்திலுள்ள ஏழுமலை பகுதியில் போலீசார் ரோந்து பணியில் ஈடுபட்டுக் கொண்டிருந்த சமயத்தில் அல்லம்பட்டி ஓடைக்கு அருகில் சந்தேகப்படும் படியாக சில நபர்கள் நின்று கொண்டிருந்தனர். உடனடியாக காவல்துறையினர் அவர்களை பிடித்து விசாரணை நடத்தி உள்ளனர். இந்த விசாரணையில் அவர்கள் கஞ்சா கடத்தலில் ஈடுபட்டவர்கள் என்பது தெரியவந்துள்ளது.
அதன்பின் காவல்துறையினர் அவர்களை காவல் நிலையத்திற்கு அழைத்துச் சென்று விசாரணை நடத்திய போது அவர்கள் உத்தமபுரத்தைச் சேர்ந்த சதீஷ்குமார், தினேஷ், நாச்சிமுத்து, சுதாகரன், திருநாவுக்கரசு என்பது தெரியவந்துள்ளது. இதனை அடுத்து காவல்துறையினர் அவர்களை கைது செய்து அவர்களிடம் இருந்த 21 கிலோ கஞ்சாவை பறிமுதல் செய்து விசாரணை நடத்தி வருகின்றனர்.