உயர்க் கல்விதுறை அமைச்சர் பொன்முடி நடத்திய ஆலோசனையில், “2011க்கு முன்பு படித்த கல்லூரி மாணவர்களுக்கான அரியர் தேர்வு ஜூன் 21ம் தேதி முதல் நடைபெறும் என்று அறிவிக்கப்பட்டுள்ளது. மேலும் இன்று முதல் ஜூன் 3ம் தேதிக்குள் கட்டணம் செலுத்த வேண்டும் எனவும், 2017 ஒழுங்குமுறைப்படி முதுகலை, இளங்கலை பட்டப் படிப்புக்கு ஜூன் 14 முதல் ஆன்லைனில் தேர்வு நடைபெறும் என்றும் அறிவித்துள்ளார்.
2013 ஒழுங்கு முறைப்படி எழுதிய யுஜி மாணவர்களுக்கு ஜூன் 14-ல் தேர்வு தொடங்கும் என்றும், கடந்த முறை தேர்வு எழுதாமலும், கட்டணம் செலுத்தாமல் உள்ள மாணவர்கள் ஜூன் 3 க்குள் கட்டணம் செலுத்தலாம் என்று கூறியுள்ளார்.