தமிழகத்தில் கொரோனா பரவல் நாளுக்கு நாள் அதிகரித்துக் கொண்டே வருவதால், அதனை கட்டுப்படுத்த கடந்த மே 10ஆம் தேதி முழு ஊரடங்கு அமல்படுத்தப்பட்டது. ஆனால் கொரோனா பாதிப்பு குறையாத காரணத்தால், மே 23 ஆம் தேதி முழு ஊரடங்கு முடிவடைய இருந்த நிலையில், மே 31-ஆம் தேதி வரை முழு ஊரடங்கு நீட்டிக்கப்படுவதாக தமிழக முதல்வர் ஸ்டாலின் அறிவித்தார். இதில் பலத்த கட்டுப்பாடுகள் விதிக்கப்பட்டுள்ளன. எந்தவித தளர்வும் இல்லாமல் முழு ஊரடங்கு அமல்படுத்தப்பட்டுள்ளது. இதில் அவசர மருத்துவ காரணங்கள் மற்றும் இறப்பு காரணங்களுக்காக மட்டுமே மக்கள் வெளியில் செல்ல அனுமதி அளிக்கப்பட்டுள்ளது.
இந்நிலையில் ஊரடங்கை பயன்படுத்தி காய்கறிகளை அதிக விலைக்கு விற்பனை செய்யப்படும் நிலையில், காய்கறிகள், பழங்கள் மற்றும் பால் போன்ற அத்யாவசிய பொருட்களை தங்குதடையின்றி நியாயமான விலையில் வினியோகிக்க முதல்வர் ஸ்டாலின் அதிரடியாக உத்தரவிட்டுள்ளார். சென்னையில் மக்கள் வசிக்கும் இடங்களுக்கு நேரடியாகச் சென்று காய்கறி விநியோகிக்கவும், கிராமப்புறங்களிலும் காய்கறிகள் வழங்கப்படுவதை உறுதி செய்யவும் உத்தரவிட்டுள்ளார்.