இந்திய அணித்தலைவராக அதிக வெற்றி பெற்றவர்கள் பட்டியலில் எம்.எஸ்.தோனியின் சாதனையை சமன் செய்யவுள்ளார் விராட் கோலி.
இந்தியா – மேற்கிந்திய தீவுகள் அணிகளுக்கு இடையிலான முதல் டெஸ்ட் போட்டி இன்று ஆன்டிகுவா நோர்த்சவுண்ட் மைதானத்தில் தொடங்குகிறது. இதில் வெற்றி பெற்றால் விராட் கோலி தோனியின் சாதனையை சமன் செய்வார். இந்திய டெஸ்ட் அணிக்கு தலைவராக விராட் கோஹ்லி கடந்த 2014-ம் ஆண்டு பொறுப்பேற்றார். அவரது தலைமையில் இந்திய டெஸ்ட் அணி சிறப்பான ஆட்டத்தை வெளிப்படுத்தி வெற்றிகளை குவித்து வருகிறது.
இதுவரை கோஹ்லியின் தலைமையில் நடந்த 46 டெஸ்ட் போட்டிகளில் 26 போட்டியில் இந்தியா வெற்றி வாகை சூடியுள்ளது. இதேபோல் தோனியின் தலைமையில் இந்திய அணி 60 போட்டிகளில் விளையாடி 27 போட்டிகளில் வெற்றி பெற்றுள்ளது. இந்நிலையில் விராட் கோலி தலைமையிலான இந்திய அணி மேற்கிந்திய தீவுகள் அணிகளுக்கு இடையிலான முதல் டெஸ்ட் போட்டியில் வெற்றி பெற்றால் தோனியின் சாதனையை கோஹ்லி சமன் செய்வார்.