சேலம் மாவட்டத்தில் த.மு.மு.க கட்சி மற்றும் மனித நேய கட்சி சார்பில் விவசாயிகளுக்கு ஆதரவாக வேளாண் சட்டங்களை எதிர்த்து போராட்டத்தில் ஈடுபட்டுள்ளனர்.
சேலம் மாவட்டத்திலுள்ள செவ்வாய்பேட்டை, அம்மாபேட்டை மற்றும் கோட்டை உள்ளிட்ட பல்வேறு பகுதிகளில் த.மு.மு.க மற்றும் மனிதநேய மக்கள் கட்சி சார்பில் வேளாண் சட்டங்களுக்கு எதிராக மற்றும் டெல்லியில் போராடும் விவசாயிகளுக்கு ஆதரவாக முஸ்லிம்கள் தங்கள் வீடுகளில் கருப்பு கொடி கட்டி மற்றும் தங்களது கைகளில் கருப்புக் கொடிகளை ஏந்தியும் போராட்டத்தில் ஈடுபட்டுள்ளனர்.
அந்த போராட்டத்தில் த.மு.மு.க மாநில செயலாளர் இம்தியாஸ்கான் தலைமையில் நிர்வாகிகள் பலர் கலந்து கொண்டுள்ளனர். இந்த கோரிக்கையை வலியுறுத்தி மேச்சேரியில் விவசாயிகள் சங்கத்தினர் தங்கள் வீடுகள் மற்றும் விவசாய நிலங்களில் கருப்பு கொடி ஏந்தி போராட்டம் நடத்தியுள்ளனர்.