தமிழகத்தில் கொரோனா இரண்டாவது அலை தீவிரமாகப் பரவி வருகிறது. இதை கட்டுப்படுத்த தமிழக அரசு பல்வேறு நடவடிக்கைகளை மேற்கொண்டு வருகிறது. அதன் ஒருபகுதியாக தமிழகம் முழுவதும் தளர்வுகளற்ற ஊரடங்கை அமல்படுத்தியுள்ளது. இந்நிலையில் திமுகவினருக்கு ஸ்டாலின் வேண்டுகோள் ஒன்றை விடுத்துள்ளார். அதில், முன்னாள் முதல்வர் கருணாநிதி பிறந்த நாள் ஜூன் மூன்றாம் தேதி வர இருக்கிறது.
இதையடுத்து அவருடைய பிறந்தநாளை அமைதியாக எளிமையாக கொண்டாடுங்கள் என்று வேண்டுகோள் விடுத்துள்ளார். மேலும் கொரோனா பேரிடர் காலத்தில் மக்களின் உயிரை காப்பது நம் முன் உள்ள தலையாய பணி. தொண்டர்கள் அவரவர் இல்லங்களிலேயே கருணாநிதி படத்திற்கு மரியாதை செலுத்துங்கள் .ஏழை எளிய மக்களுக்கு அவர்களின் இருப்பிடம் சென்று உணவு உள்ளிட்டவற்றை வழங்குங்கள் என்று தெரிவித்துள்ளார்.