அமேசான் என்கின்ற மிகப்பெரிய அடர்ந்த காட்டை எரித்து மனித உயிர்களை அழிக்கும் நோக்கில் பிரேசில் அரசாங்கம் செயல்பட்டு வருகின்றது.
தற்பொழுது நீங்கள் சுவாசித்துக் கொண்டிருக்கிறீர்களா? உங்களை சுற்றியுள்ள காற்றில் ஆக்சிஜன் இருக்கிறதா? அப்படியென்றால் மகிழ்ச்சி. ஆனால் நாளைக்கு இந்த நிலைமை உங்களுக்கு இருக்குமா? என்றால் அது நிச்சயம் அல்ல. இந்த உலகத்தினுடைய நுரையீரல் என்று சொல்லப்படக்கூடிய அமேசான் என்கின்ற காடு இந்த செய்தி தொகுப்பை நீங்கள் படித்துக்கொண்டிருக்கும் வேளையில் நிமிடத்திற்கு கிட்டத்தட்ட இரண்டு கால்பந்து மைதானத்தின் அளவு தீப்பிடித்து எரிந்து கொண்டிருக்கிறது. கிட்டத்தட்ட இரண்டு வாரங்களாக இந்த காடு தீப்பிடித்து எரிந்து கொண்டிருக்கிறது. இதற்கான காரணம் என்னவென்றால் காட்டுக்குள் ஏற்பட்ட காட்டுத் தீயோ அல்லது வேறு ஏதேனும் இயற்கை சீற்றமோ அல்ல இதற்கான முழு காரணம் மனிதர்கள் மட்டுமே.
அமேசானின் முக்கியத்துவம்:
கிட்டத்தட்ட 5 கோடி வருடங்களுக்கு முன்பு உருவாக்கப்பட்ட இயற்கையின் வரப்பிரசாதமான, உலகத்தினுடைய நுரையீரல் என்று சொல்லக்கூடிய, பிரேசில் மட்டுமல்லாமல் இந்தியா இங்கிலாந்து, அமெரிக்கா, ஆஸ்திரேலியா, ஐரோப்பா உள்ளிட்ட அனைத்து நாட்டு மக்களும் சுவாசிக்கக்கூடிய 20% ஆக்சிஜனை தரக்கூடிய அமேசான் காட்டை கேவலம் பணத்திற்காகவும், வணிக முன்னேற்றத்திற்காகவும் அந்த நாட்டின் பிரதமரின் அனுமதியுடன் ஏரித்துக் கொண்டிருக்கின்றனர்.
விளைவு :
பிரேசிலில் இருக்கக்கூடிய நாட்டில் தீப்பிடித்து எரிந்தால் என்ன பிரச்சனை என்று நீங்கள் கேட்கலாம். பிரச்சினை என்னவென்றால், உலகத்தில் இருக்கக்கூடிய அனைத்து மனிதர்களும் பிறப்பதற்கு முன் இயற்கை நமக்கு நீர், நிலம், காற்று உள்ளிட்டவற்றை அளவில்லாமல் கொடுத்தது. அதில் நீர் தற்போது பணத்திற்காக விற்பனை செய்யப்பட்டு வருகிறது. நிலம் ஒவ்வொரு தனிமனிதனுக்கும் இவ்வளவு அளவு என்று ஆக்கிரமிக்கப்பட்டு வருகிறது. இந்த பட்டியலில் மூன்றாவது இயற்க்கை வளமான காற்று இடம்பிடிக்க கூடிய சூழ்நிலை ஏற்பட்டுள்ளது. மனிதர்கள் சுவாசிக்கக் கூடிய ஆக்சிஜன் அளவு இவ்வுலகில் மிக குறைந்த அளவில் உள்ளது. இந்நிலையில் அமேசான் காடு எரிப்பு சம்பவம் மேலும் 20 சதவீதத்திற்கும் மேலான ஆக்சிஜனை இந்த உலகில் குறைத்துவிடும். இதனால் காலப்போக்கில் மனிதர்கள் சுவாசிக்க கூட முடியாத நிலை ஏற்படும்.
நாசாவின் கருத்து:
இந்த பிரச்சனையை ஆகஸ்ட் 2 ஆம் தேதி நாசா விண்வெளி ஆராய்ச்சி மையம் சாட்லைட் மூலம் அமேசான் காட்டுப் பகுதியை நோக்கும்பொழுது புகை மண்டலமாக தெரிந்திருக்கிறது. இதனை பார்த்த உடன் அதிர்ந்த நாசா விஞ்ஞானிகள் பிரேசிலின் நாட்டிற்கு தொடர்பு கொண்டு உங்கள் நாட்டில் மிகப் பெரிய தீ விபத்து நடைபெற்றுக்கொண்டிருக்கிறது. தயவுசெய்து அதை உடனடியாக நிறுத்துங்கள் அதற்குள் 3 மில்லியனுக்கும் மேல் பழங்குடி மக்கள் வாழ்ந்து கொண்டிருக்கிறார்கள். 2 மில்லியன் ஆண்டுகளுக்கு முன் உருவான உயிரினங்கள் வாழ்ந்து கொண்டிருக்கின்றன.
இதற்க்கெல்லாம் மேல் தீயை அணைக்கவில்லை என்றால் ஆக்சிஜன் அளவு குறைந்து மனிதர்கள் சுவாசிக்க முடியாத நிலை ஏற்படும் எனவே விரைந்து செயல்பட்டு அந்த தீயை அணையுங்கள் என்று தெரிவித்தது. இதற்கு பதிலளித்த பிரேசில் அரசாங்கம் இது எங்கள் நாட்டின் தனிப்பட்ட பிரச்சனை இதில் தலையிட வேண்டாம் என்று கூறியது. ஆனால் இது அவர்களது நாட்டுடைய தனிப்பட்ட பிரச்சனை கிடையாது. அமேசான் காடு உலகத்தில் இருக்கக்கூடிய அனைத்து மக்களுக்கும் ஆக்ஸிஜன் தரக்கூடிய ஒரு பொதுவான காடு.
அமேசான் காடு எரிப்பதற்கான காரணம்:
பிரசிலின் 2018ல் நடைபெற்ற தேர்தலில் தற்போதைய பிரதமர் பெரும்பான்மை வாக்கு வித்தியாசத்தில் வெற்றி பெற்றார். அதில் அவர் வாக்குறுதி ஒன்றை அளித்தார். அது என்னவென்றால், இந்தியாவைப் போல பிரேசிலும் விவசாயத்தின் முதுகெலும்பாக இருந்து வருகிறது. அந்நாட்டு மக்கள் விவசாயத்தையே தங்களது பொருளாதார மேம்பாடாக கருதி வருகின்றனர். இந்நிலையில் அதனை அதிகரிக்கும் விதமாக பொருளாதாரத்தில் வளர்ச்சி அடைய வேண்டும் என்ற நோக்கில், அதிக அளவிலான விளைச்சல் நிலத்தை ஏற்படுத்த வேண்டும் என்ற சுயநலத்தில் விளைவுகளை யோசிக்காமல் அமேசான் காட்டை கவலைப்படாமல் எரித்து சாம்பலாக்கி வருகின்றன.
அமேசான் தீயால் ஏற்படும் பேராபத்து:
இந்த அமேசான் காடு எரிவதால் என்னென்ன தீமைகள் ஏற்படும் என்றால் 40 ஆயிரத்திற்கும் மேற்பட்ட வகையான மர வகைகள் அழியக் கூடிய அபாயம் ஏற்பட்டிருக்கிறது. உலகிலேயே 40,000 மரவகைகள் இருக்கக்கூடிய ஒரே காடு அமேசான் காடு மட்டும் தான். மேலும் 1,300 வகை இனப் பறவைகள் அழிந்து போகக்கூடிய சூழ்நிலை ஏற்படும். 3000 மீன் வகைகள் அழிந்து போகும். 2.5 மில்லியன் பூச்சி வகை உயிரினங்கள் அழிந்து போகும் பணம் என்ற ஒரு விஷயத்திற்காக மனிதன் எத்தனை உயிர்களை அழித்துக் கொண்டிருக்கின்றன. இதனால் வருங்காலத்தில் ஏற்படக்கூடிய விளைவுகள் என்னென்ன என்பதை இந்த செய்தி தொகுப்பை படித்து கொண்டிருக்கும் நபர்கள் கட்டாயமாக உணர வேண்டும்.
இனம் மதம் மொழி அனைத்தையும் தாண்டி மனிதர்களுக்கு மட்டுமல்லாமல் அனைத்து உயிரினங்களுக்கும் பொதுவாக இருக்கக்கூடிய ஒன்று இயற்கை. அந்த இயற்கையை அழித்து விட்டு யாராலும் உயிர் வாழமுடியாது என்பதை கருத்தில் கொண்டு இதனை அதிகமான நபர்களிடம் தெரியப்படுத்த படுத்துங்கள்.