மோட்டார் சைக்கிள் மீது லாரி மோதிய விபத்தில் சிறைக்காவலர் உயிரிழந்த சம்பவம் சோகத்தை ஏற்படுத்தியுள்ளது.
திருச்சி மாவட்டத்தில் உள்ள கோவவாண்டகுறிச்சி பகுதியில் இளையராஜா என்பவர் வசித்து வந்துள்ளார். இவர் திருச்சி மத்திய சிறையில் காவலராக பணிபுரிந்து வந்துள்ளார். இந்நிலையில் இளையராஜா வேலை முடித்து விட்டு தனது வீட்டிற்கு மோட்டார் சைக்கிளில் புறப்பட்டுள்ளார். இதனை அடுத்து இளையராஜா திருச்சி-சென்னை தேசிய நெடுஞ்சாலையில் சென்று கொண்டிருக்கும் போது சென்னையில் இருந்து டால்மியாபுரம் நோக்கி வேகமாக சென்ற லாரி எதிர்பாராதவிதமாக இவரின் மோட்டார் சைக்கிள் மீது பலமாக மோதி விட்டது.
இந்த விபத்தில் படுகாயமடைந்த இளையராஜாவை அருகில் இருந்தவர்கள் மீட்டு உடனடியாக மருத்துவமனைக்கு சிகிச்சைக்காக கொண்டு சென்றனர். ஆனால் அங்கு அவருக்கு அளிக்கப்பட்ட சிகிச்சை பலனின்றி இளையராஜா பரிதாபமாக உயிரிழந்து விட்டார். மேலும் இதுகுறித்து வழக்குப்பதிவு செய்த காவல்துறையினர் விபத்தை ஏற்படுத்திய லாரி டிரைவரான செல்வராஜ் என்பவரை கைது செய்து தீவிர விசாரணை மேற்கொண்டு வருகின்றனர்.