இந்தியாவில் நாளுக்கு நாள் அதிகரித்து வரும் கொரோனா தொற்று காரணமாக பல மாநிலங்களில் ஊரடங்கு அமல்படுத்தப்பட்டு உள்ளது. மேலும் பள்ளிகள் மற்றும் கல்லூரிகள் மூடப்பட்டு மாணவ மாணவியர்களுக்கு ஆன்லைன் மூலம் வகுப்புகள் எடுக்கப்பட்டு வருகின்றது. அதுமட்டுமில்லாமல் கல்லூரி மாணவர்களுக்கு ஆன்லைனிலேயே தேர்வுகளும் நடைபெற்று வருகின்றது. அப்படி எழுதப்பட்ட தேர்வுகளின் முடிவுகள் வெளியிடப்பட்டு வருகின்றது.
இந்நிலையில் தற்போது பலவகை தொழில்நுட்ப கல்லூரிகளில் ஆன்லைன் மூலம் நடைபெற்ற தேர்வு முடிவுகள் தற்போது வெளியிடப்பட்டுள்ளது. முதலாம், மூன்றாம், ஐந்தாம், ஏழாம் பருவம் பயின்ற மாணவர்களுக்கான தேர்வு முடிவுகள் www.tndte.gov .in என்ற இணையதளத்தில் வெளியிடப்பட்டுள்ளது. இந்த இணையதளத்திற்கு சென்று மாணவர்கள் தங்களது தேர்வு முடிவுகளை தெரிந்து கொள்ளலாம்.