இந்தியா முழுவதிலும் உள்ள பெரும்பாலான மாநிலங்களில் கொரோனா இரண்டாவது அலை அதி தீவிரமாக பரவி வருகிறது. அதனால் கொரோனா பரவலை கட்டுப்படுத்த இரவு நேர ஊரடங்கு, பகுதி நேர ஊரடங்கு மற்றும் முழு ஊரடங்கு ஆகிய கட்டுப்பாடுகள் விதிக்கப்பட்டுள்ளன. ஒரு சில மாநிலங்களில் கொரோனா பாதிப்பு அதிகரிப்பதை தொடர்ந்து ஊரடங்கு நீட்டிக்கப்பட்டு வருகிறது.
மேலும் கொரோனா ஊரடங்கு காரணமாக பெரும்பாலான மாநிலங்களில் உள்ள மதுபான கடைகள் மூடப்பட்டுள்ளன. இந்நிலையில் டெல்லியில் மதுபானங்களை வீட்டிற்கே சென்று விற்பனை செய்ய மாநில அரசு அனுமதி அளித்துள்ளது. செயலிகள், ஆன்லைன் மூலம் ஆர்டர் செய்தால் இந்தியா, வெளிநாட்டு மதுபானங்களை வீட்டிற்கே சென்று விநியோகம் செய்யலாம் என உத்தரவிட்டுள்ளது.