இங்கேயும் பரவத் தொடங்கிட்டு…. ஊரடங்கை நீட்டித்த அரசாங்கம்…. ஆஸ்திரேலியாவில் தேவையின்றி வெளியே வர அனுமதியில்லை….!!

ஆஸ்திரேலியாவில் கொரோனா தாக்கம் அதிகமாக இருப்பதால் ஊரடங்கு நீட்டிக்கப்பட்டுள்ளது.

உலக நாடுகள் முழுவதும் கொரோனா தொற்று பரவி சுகாதார சீர்கேட்டினை உண்டாக்கியது. இதனை தடுப்பதற்கு அனைத்து நாடுகளும் முழு ஊரடங்கை அமலுக்குக் கொண்டு வருகிறது. அதன்படி ஆஸ்திரேலிய நாட்டிலிருக்கும் விக்டோரியா மாகாணத்திலும் கொரோனா தொற்று பரவி வருவதால் அந்நாட்டு அரசு கடந்த மாதம் 27 ஆம் தேதி முதல் ஒருவாரத்திற்கு முழு ஊரடங்கை பிறப்பித்துள்ளது.

மேலும் பொதுமக்களை அத்தியாவசிய தேவையின்றி வெளியே வரவேண்டாம் என்றும் அரசாங்கம் வலியுறுத்தியது. இதனையடுத்து கடந்த சில தினங்களாக 60 நபர்களுக்கு கொரோனா தொற்று உறுதி செய்யப்பட்டுள்ளது. இந்நிலையில் ஒரு வாரம் போடப்பட்ட முழுஊரடங்கு கடந்த 2 ஆம் தேதி முடிவடைந்த நிலையில், கொரோனாவை கட்டுப்படுத்த மேலும் 7 நாட்கள் முழுஊரடங்கு நீட்டிக்கப்படுவதாக அந்நாட்டு அரசு தெரிவித்துள்ளது.