வீட்டிற்குள் மர்மமான முறையில் தையல் தொழிலாளி இறந்து கிடந்த சம்பவம் அதிர்ச்சியை ஏற்படுத்தியுள்ளது.
புதுக்கோட்டை மாவட்டத்திலுள்ள கல்லாலங்குடி பகுதியில் ராசு என்ற தையல் தொழிலாளி வசித்து வந்துள்ளார். இந்நிலையில் திடீரென ராசுவின் வீட்டிலிருந்து துர்நாற்றம் வீசுவதாக அக்கம்பக்கத்தினர் ஆலங்குடி தாசில்தார் பொன்மலருக்கு தகவல் தெரிவித்துள்ளனர். அந்த தகவலின் படி தாசில்தார் மற்றும் காவல்துறையினர் சம்பவ இடத்திற்கு விரைந்து சென்றனர்.
அதன்பின் காவல்துறையினர் பூட்டியிருந்த வீட்டை உடைத்து உள்ளே சென்று பார்த்தபோது ராசு வீட்டிற்குள் சடலமாக கிடப்பதை கண்டறிந்தனர். இதனை அடுத்து உடலை கைப்பற்றிய காவல்துறையினர் பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் வீட்டில் தனியாக இருந்த ராசு உயிரிழந்து கிடப்பதற்கான காரணம் குறித்து தீவிர விசாரணை மேற்கொண்டு வருகின்றனர்.