காட்பாடியில் சட்டவிரோதமாக மோட்டார் சைக்கிளில் சாராயம் கடத்தி வந்த 4 பேரை காவல்துறையினர் கைது செய்துள்ளனர்.
வேலூர் மாவட்டத்தில் உள்ள கரசமங்கலம் ரயில்வே கேட் பகுதியில் விருதம்பட்டு காவல்துறையினர் தீவிர ரோந்து பணியில் ஈடுபட்டு வந்துள்ளனர். அப்போது அவ்வழியாக ஒரே மோட்டார் சைக்கிளில் வந்த 4 பேரை காவல்துறையினர் நிறுத்தி சோதனை செய்துள்ளனர். அந்த சோதனையில் அவர்கள் பாக்கெட் சாராயத்தை காட்பாடி பகுதியில் விற்பனை செய்வதற்காக மூட்டைகளில் கடத்தி வந்தது காவல்துறையினருக்கு தெரியவந்துள்ளது.
இதனையடுத்து அவர்களிடம் இருந்த 50 லிட்டர் சாராயம் மற்றும் மோட்டார் சைக்கிளை காவல்துறையினர் பறிமுதல் செய்துள்ளனர். அதன்பின் காவல்துறையினர் நடத்திய விசாரணையில் அவர்கள் கரசமங்கலத்தைச் சேர்ந்த தளபதி, யோவான், கழிஞ்சூரை சேர்ந்த சிலம்பரசன், சேனூரை சேர்ந்த பாலாஜி என்பது தெரியவந்துள்ளது. மேலும் இதுகுறித்து வழக்குப்பதிவு செய்த காவல்துறையினர் சட்டவிரோதமாக மோட்டார் சைக்கிளில் பாக்கெட் சாராயத்தை கடத்தி வந்த குற்றத்திற்காக 4 பேரையும் கைது செய்துள்ளனர்.