மணல் கடத்தலை தடுக்கும் முயற்சியில் ஈடுபட்டிருந்த இன்ஸ்பெக்டர் மற்றும் காவல்துறையினர் மீது டிராக்டர் ஏற்றி கொலை செய்ய முயன்றவரை கைது செய்துள்ளனர்.
வேலூர் மாவட்டத்தில் உள்ள கவுண்டன்யா மகாநதி ஆற்றுப்பகுதியில் போலீஸ் இன்ஸ்பெக்டர் சுரேஷ் பாபு, சப்-இன்ஸ்பெக்டர் பெருமாள் மற்றும் காவல்துறையினர் தீவிர ரோந்து பணியில் ஈடுபட்டுள்ளனர். அப்போது அவ்வழியாக டிராக்டரில் மணல் கடத்தி வந்தவரை நிறுத்த முயற்சி செய்த இன்ஸ்பெக்டர் மற்றும் காவல்துறையினர் மீது டிரைவர் டிராக்டரை ஏற்றி கொலை செய்ய முயற்சி செய்துள்ளார். இதனையடுத்து இன்ஸ்பெக்டர் சுரேஷ்பாபு மற்றும் காவல்துறையினர் அதிலிருந்து தப்பி டிராக்டரை மடக்கிப்பிடித்து டிரைவரை காவல் நிலையத்திற்கு கொண்டு சென்று விசாரணை நடத்தியுள்ளனர்.
அந்த விசாரணையில் அவர் மீனூர் நடுகட்டை பகுதியைச் சேர்ந்த தரணி என்பது தெரியவந்துள்ளது. இவர் மீது ஏற்கனவே மணல் கடத்தல் வழக்கு இருப்பதாக கூறப்படுகிறது. இதனையடுத்து காவல்துறையினர் அவரிடம் இருந்த டிராக்டரை பறிமுதல் செய்துள்ளனர். மேலும் இதுகுறித்து வழக்குபதிவு செய்த காவல்துறையினர் மணல் கடத்தல் மற்றும் டிராக்டரை ஏற்றி காவல்துறையினரை கொலை செய்ய முயற்சி செய்ததால் தரணியை கைது செய்துள்ளனர்.