பிரெஞ்சு ஓபன் டென்னிஸ் 3வது சுற்று போட்டியில் ஜோகோவிச் ,ரபேல் நடால் 4வது சுற்றுக்கு முன்னேறினர் .
‘கிராண்ட்ஸ்லாம்’அந்தஸ்து பெற்ற பிரெஞ்சு ஓபன் டென்னிஸ் போட்டி பாரிஸ் நகரில் நடைபெற்று வருகிறது. இதில் ஆண்களுக்கான ஒற்றையர் பிரிவில் 3 வது சுற்று போட்டியில், நடப்பு சாம்பியனான ரபேல் நடால் , இங்கிலாந்து வீரரான கேமரான் நோரியுடன் மோதினார். விறுவிறுப்பாக நடைபெற்ற இந்த போட்டியில் ,இறுதியாக ரபெல் நடால் 6-3, 6-3, 6-3 என்ற நேர் செட் கணக்கில், வெற்றி பெற்று 4வது சுற்றுக்கு முன்னேறினார். இதற்கு முன் நடந்த மற்றொரு போட்டியில் செர்பிய வீரரான நோவாக் ஜோகோவிச், லிதுவேனியா வீரரான ரிச்சர்ட்சை 6-1, 6-4, 6-1 என்ற செட் கணக்கில் தோற்கடித்து 4வது சுற்றுக்கு முன்னேறினார்.