நாடு முழுவதும் கொரோனா இரண்டாவது அலை தீவிரமாக பரவி வருகிறது. இதில் டெல்லி மிகப்பெரிய அளவில் பாதிக்கப்பட்டது. இதனால் அங்கு கடுமையான முழு ஊரடங்கு அமல்படுத்தப்பட்டது. இதனையடுத்து இந்த ஊரடங்கின் காரணமாக தொற்று பாதிப்பு எண்ணிக்கை சற்று குறைந்து வருவதாக தெரிவிக்கப்பட்டுள்ளது.
இந்நிலையில் இன்று முதல் காலை 5 மணி முதல் ஊரடங்கில் தளர்வு அறிவிக்கப்பட்டுள்ளது. அதன்படி கடைகள் பாதி ஒருநாளும், மீதி மற்றொரு நாளும் காலை 10 மணி முதல் இரவு 8 மணி வரை திறக்கப்படும் என்றும், தனியார் மற்றும் அரசு நிறுவனங்கள் 50 சதவீத வேலை ஆட்களோடு இயங்கும் என்றும் டெல்லி அரசு அறிவித்துள்ளது. இதையடுத்து இன்று முதல் மெட்ரோ ரயில் சேவை மீண்டும் 50% இருக்கைகளுடன் மெட்ரோ ரயில்கள் இயக்கப்பட்டு வருகின்றன.