தமிழ்நாட்டில் முதல்வராக மு க ஸ்டாலின் பதவி ஏற்றுக்கொண்ட பிறகு சுத்தமான காற்றை சுவாசிப்பது போல் உள்ளதாக ஒளிப்பதிவாளர் பிசி ராம் கருத்து தெரிவித்துள்ளார்.
தமிழகத்தில் நடந்து முடிந்த சட்டப்பேரவைத் தேர்தலில் பெரும்பான்மையான தொகுதிகளில் வெற்றி பெற்று திமுக ஆட்சியைப் பிடித்தது. இதில் திமுக கட்சியின் தலைவர் மு க ஸ்டாலின் முதல்வராக பதவி ஏற்றுக் கொண்டார். இவர் பதவியேற்ற பின்பு தமிழக மக்களுக்கு பல நலத்திட்டங்களை செய்து வருகிறார். தமிழ்நாட்டில் முதல்வராக பதவி ஏற்றுக்கொண்டு ஒரு மாதம் நிறைவடைந்த நிலையில் இவர் சிறப்பாக பணியாற்றி வருவதாக பலரும் கருத்து தெரிவித்து வருகின்றனர்.
இதைத்தொடர்ந்து திறமைவாய்ந்த அதிகாரிகளை தமிழ்நாட்டு முதல்வர் முக ஸ்டாலின் நியமிப்பது சிறப்பான போக்கு என்று ஒளிப்பதிவாளர் பிசி ஸ்ரீராம் தெரிவித்துள்ளார். இது சுத்தமான காற்றை சுவாசிப்பது போல் உள்ளதாக கூறி, தனது ட்விட்டர் பக்கத்தில் தெரிவித்துள்ளார். மேலும் அவர் சிறப்பாக ஆட்சி செய்யும் முதல்வர் முக ஸ்டாலினுக்கு நன்றி தெரிவித்துள்ளார்.