அதை தொடாமல் இருந்திருக்கலாம்… திடீரென நடந்த விபரீதம்… சோகத்தில் மூழ்கிய குடும்பத்தினர்…!!

மின்சாரம் தாக்கி இளம் பெண் பலியான சம்பவம் சோகத்தை ஏற்படுத்தியுள்ளது.

சேலம் மாவட்டத்தில் உள்ள அழகாபுரம் திருமால் நகரில் கணேஷ் சுப்பிரமணியன் என்பவர் வசித்து வந்துள்ளார். இவருக்கு சவுமியா என்ற மனைவி இருந்துள்ளார். இவர் தனியார் பள்ளியில் இந்தி ஆசிரியராக வேலை பார்த்து வந்துள்ளார். இந்நிலையில் சௌமியா தன் வீட்டில் இருந்த மின் மோட்டாரை இயக்குவதற்கு சுவிட்சை போட்ட பிறகும் அதிலிருந்து தண்ணீர் வெளிவரவில்லை. இதனால்  சௌமியா அந்த மின் மோட்டாரில் கைவைத்து பார்த்த போது திடீரென அதிலிருந்து மின்சாரம் அவர் மீது பாய்ந்து விட்டது.

இதனால் தூக்கி வீசப்பட்டு படுகாயமடைந்த சௌமியாவை அருகில் உள்ளவர்கள் மீட்டு சேலம் அரசு மருத்துவமனைக்கு சிகிச்சைக்காக அழைத்து சென்றுள்ளனர். ஆனால் அங்கு அவரை பரிசோதித்து பார்த்த மருத்துவர்கள் சௌமியா ஏற்கனவே இறந்து விட்டதாக தெரிவித்தனர். மேலும் இதுகுறித்து வழக்கு பதிவு செய்த அழகாபுரம் காவல்துறையினர் தீவிர விசாரணை மேற்கொண்டு வருகின்றார்.