தமிழகத்தில் கொரோனா இரண்டாவது அலை தீவிரமாகப் பரவி வரும் சூழலில், இதை கட்டுப்படுத்த ஊரடங்கு அமல்படுத்தப்பட்டுள்ளது. இதனால் மக்கள் வீடுகளுக்குள்ளேயே முடங்கிக் கிடக்கும் நிலை ஏற்பட்டுள்ளது. கொரோனாவால் பாதிக்கப்பட்டு வீட்டில் தனிமைப்படுத்தப்பட்டவர்களுக்கு மருத்துவ ஆலோசனை தேவைப்படுகிறது.
எனவே மக்கள் நலனை கருத்தில் கொண்டு சேலம் மாநகர பொதுமக்கள் வீடியோ அழைப்பின் மூலம் இலவச மருத்துவ ஆலோசனை பெற சேலம் மாநகராட்சி VIDMED என்ற செயலியை இன்று அறிமுகப்படுத்தியுள்ளது. இந்த செயலி மக்களிடையே பெரும் வரவேற்பை பெற்றுள்ளது. இந்த செயலி மூலம் வீட்டில் இருந்தபடியே கைப்பேசி மூலமாக மருத்துவரிடம் ஆலோசனை பெறலாம்.