தமிழகத்தில் கொரோனா அச்சுறுத்தல் காரணமாக பள்ளிகள் அனைத்தும் மூடப்பட்டுள்ளன. அதனால் மாணவர்களுக்கு ஆன்லைன் மூலம் வகுப்புகள் நடத்தப்பட்டு வருகிறது. 1 முதல் 11 ஆம் வகுப்பு வரையிலான மாணவர்கள் அனைவரும் தேர்ச்சி பெறுவதாக அரசு அறிவித்தது. 12 ஆம் வகுப்பு மாணவர்களுக்கு பொதுத்தேர்வு ரத்து செய்யப்படுவது குறித்து தீவிர ஆலோசனை நடத்தப்பட்டது. இதுகுறித்து பெற்றோர்கள் மற்றும் மருத்துவர்களிடம் ஆலோசனை கேட்க பட்ட நிலையில், 12 ஆம் வகுப்பு பொதுத்தேர்வு ரத்து செய்யப்படுவதாக தமிழக முதல்வர் ஸ்டாலின் அறிவித்தார்.
இந்நிலையில் ஜூன் மூன்றாவது வாரத்தில் இருந்து பிளஸ் 1 வகுப்பு மாணவர் சேர்க்கை மற்றும் பிளஸ் 2 மாணவர்களுக்கு ஆன்லைன் வகுப்பை தொடங்கலாம் என்று தமிழ்நாடு அரசு அறிவித்திருந்தது. அதன்படிஇன்று முதல் ஆன்லைன் வகுப்புகள் தொடங்குகின்றன. இந்நிலையில் ஜூலை இரண்டாவது வாரத்தில் பள்ளிகளை திறக்க திட்டமிட்டுள்ளதாக தகவல் வெளியாகியுள்ளது. ஏற்கனவே ஒரு கல்வி ஆண்டு முழுவதும் ஆன்லைன் வழியாக மாணவர்கள் பாடங்களை படித்த நிலையில், ஜூலையில் பள்ளியை திறக்க முடிவு செய்துள்ளதாக தகவல் வெளியாகியுள்ளது.