நாடு முழுவதும் கொரோனா இரண்டாவது அலை அதி தீவிரமாக பரவி வருகிறது. அதனை கட்டுப்படுத்த மத்திய மற்றும் மாநில அரசுகள் பல்வேறு நடவடிக்கைகளை மேற்கொண்டு வருகின்றன. அதன் முக்கிய பகுதியாக 18 வயதிற்கு மேற்பட்ட அனைவருக்கும் தடுப்பூசி போடும் பணி நடந்து கொண்டிருக்கிறது. அதுமட்டுமல்லாமல் மக்கள் மத்தியில் தடுப்பூசி குறித்த அச்சத்தை போக்க பல விழிப்புணர்வு ஏற்படுத்தப்பட்டு வருகின்றன. அவ்வகையில் நடிகர்கள் சிலர் கொரோனா தடுப்பூசி போட்டுக் கொண்டு மக்களுக்கு விழிப்புணர்வு ஏற்படுத்தி வருகின்றனர்.
இந்நிலையில் நடிகை பிந்து மாதவி மற்றும் ரைசா வில்சன் ஆகியோர் #Apollocancer center- இல் முதல் டோஸ் கொரோனா தடுப்பூசியை செலுத்தி கொண்டனர். இது மிகவும் மோசமான காலம் என்பதால் மக்கள் பாதுகாப்பாக இருக்க வேண்டும். கட்டாயம் எல்லோரும் முகக்கவசம் அணிய வேண்டும். தனிமனித இடைவெளியை கடைபிடிக்க வேண்டும். கட்டாயம் தடுப்பூசி செலுத்திக் கொள்ள வேண்டும் என்று வேண்டுகோள் விடுத்துள்ளனர்.