திருநெல்வேலி மாவட்டத்தில் இடதகராறு காரணமாக 3 பேர் மீது காவல்துறையினர் வழக்குப்பதிவு செய்து விசாரணை நடத்தி வருகின்றனர்.
திருநெல்வேலி மாவட்டம் விக்கிரமசிங்கபுரத்தை அடுத்துள்ள அகஸ்தியர்பட்டியை சேர்ந்தவர் லக்ஷ்மிநாராயணன்(41). இவருக்கும் அதே பகுதியை சேர்ந்த முருகையா பாண்டியன்(27) என்பவருக்கும் இடையில் இடதகராறு காரணமாக முன்பகை இருந்து வந்துள்ளது. இதனை அடுத்து முருகையா பாண்டியன் மற்றும் அவரது நண்பர்களான உலகநாதன்(36), ரூபன்(32) ஆகியோருடன் இணைந்து லக்ஷ்மிநாராயணனை தாக்கியுள்ளனர்.
இதில் பலத்த காயமடைந்த லக்ஷ்மிநாராயணனை அம்பை அரசு மருத்துவமனையில் சிகிச்சைக்காக அனுமதித்துள்ளனர். இச்சம்பவம் குறித்து லட்சுமி நாராயணன் குடும்பத்தினர் காவல் நிலையத்தில் புகார் அளித்துள்ளனர். அந்த புகாரின் அடிப்படையில் விக்ரமசிங்கபுரம் போலீஸ் சப்-இன்ஸ்பெக்டர் ஜெய்சங்கர் அந்த 3 பேர் மீது வழக்கு பதிவு செய்து விசாரணை மேற்கொண்டு வருகின்றனர்.