ஷங்கர் இயக்கும் புதிய படத்தில் ராம் சரணுக்கு ஜோடியாகும் ஹீரோயின் குறித்த தகவல் வெளியாகி உள்ளது.
தமிழ் திரையுலகில் முன்னணி இயக்குனராக வலம் வரும் ஷங்கர் அடுத்ததாக தெலுங்கில் ராம்சரணை வைத்து புதிய படம் இயக்க உள்ளார். தில் ராஜ் தயாரிக்கும் இப்படம் பிரமாண்ட பொருட்செலவில் உருவாகவுள்ள நிலையில் ஊரடங்கு தளர்த்தப் பட்டதும் இப்படத்தின் படப்பிடிப்பை தொடங்க படக்குழு திட்டமிட்டுள்ளது. இந்நிலையில் இத்திரைப்படத்தில் ராம் சரணுக்கு ஜோடியாக யார் நடிக்கப் போகிறார் என்ற தகவல் வெளியாகி உள்ளது.
அந்த வகையில் தமிழ் சினிமாவில் ரஜினியுடன் பேட்ட திரைப்படத்திலும், விஜய்க்கு ஜோடியாக மாஸ்டர் திரைப்படத்திலும் நடித்து பிரபலமான நடிகை மாளவிகா மோகனன் தான் இப்படத்தில் ராம் சரணுக்கு ஜோடியாக நடிக்க இருக்கிறார். ஆகையால் ஷங்கர், ராம்சரண், மாளவிகா மோகனன் கூட்டணியை காண ரசிகர்கள் ஆவலுடன் காத்துக் கொண்டிருக்கின்றனர்.