வயிற்று வலியை தாங்க முடியாமல் விஷம் குடித்து வாலிபர் தற்கொலை செய்துகொண்ட சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்திலுள்ள அலைந்தான்குளம் கிராமத்தில் குணசிங் என்பவர் வசித்து வருகிறார். இவருக்கு இருதயராஜ் என்ற மகன் இருந்துள்ளார். இந்நிலையில் இருதயராஜ்க்கு அடிக்கடி வயிற்றுவலி ஏற்பட்டதால் பல்வேறு மருத்துவமனைகளுக்கு சென்று சிகிச்சை பெற்று வந்துள்ளார், ஆனாலும் இவரது வயிறு வலி குணமடையவில்லை.
இதனை அடுத்து மிகவும் மன உளைச்சலில் இருந்த இருதயராஜ் தனது தோட்டத்திற்கு சென்று விஷம் குடித்து தற்கொலை செய்து கொண்டார். இதனை பார்த்த அதிர்ச்சியடைந்த அருகில் இருந்தவர்கள் உடனடியாக அவரை மீட்டு திருநெல்வேலி ஹைகிரவுண்ட் மருத்துவமனைக்கு சிகிச்சைக்காக கொண்டு சென்றனர். ஆனால் அங்கு அவருக்கு அளிக்கப்பட்ட சிகிச்சை பலனுமின்றி இருதயராஜ் பரிதாபமாக உயிரிழந்துவிட்டார். மேலும் இது குறித்துவழக்குப் பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.