தமிழகத்தில் கொரோனா பரவலை கட்டுப்படுத்த முழு ஊரடங்கு அமலில் உள்ளது. கடந்த மே 10ஆம் தேதி முழு ஊரடங்கு அமல் படுத்தப்பட்ட நிலையில், அதன் பலனாக கொரோனா பாதிப்பு கணிசமாக குறைந்து கொண்டே வருவதால் தமிழகத்தில் ஜூன் 14 ஆம் தேதி வரை ஊரடங்கு நீட்டிப்பு படுவதாக முதல்வர் அறிவித்தார். அதுமட்டுமல்லாமல் கொரோனா பாதிப்பு அதிகமுள்ள மாவட்டங்களில் சில கட்டுப்பாடுகளும், எஞ்சிய மாவட்டங்களில் கூடுதல் தளர்வுகளும் அளிக்கப்பட்டு தளர்வுகளுடன் கூடிய ஊரடங்கு அமலில் உள்ளது.
இந்நிலையில் ஜூன் 14 ஆம் தேதியுடன் ஊரடங்கு முடிய உள்ளதால், தமிழகத்தில் ஊரடங்கு உத்தரவு தொடர்பான தளர்வுகளை முதலமைச்சர் ஸ்டாலின் இன்று வெளியிட வாய்ப்புள்ளதாக தகவல் வெளியாகியுள்ளது. கொரோனா குறையாத 11 மாவட்டங்களில் தளர்வுகள் குறைவாகவும், பிற மாவட்டங்களில் அதிக தளர்வுகள் வழங்கப்பட வாய்ப்புள்ளது. மாவட்டத்திற்குள் பேருந்து இயக்கம் மற்றும் டாஸ்மாக் திறப்பு உள்ளிட்ட அறிவிப்பு வெளியாகும் என எதிர்பார்க்கப்படுகிறது.