தமிழகம் முழுவதும் கொரோனா இரண்டாவது அலை தீவிரமாக பரவி வரும் நிலையில் அனைவரும் தடுப்பூசி செலுத்திக் கொள்ள அரசு வலியுறுத்தி வருகிறது. மேலும் மக்களிடையே விழிப்புணர்வை ஏற்படுத்தும் வகையில் அரசியல் பிரபலங்கள், சினிமா பிரபலங்கள் என பலரும் தடுப்பூசி போட்டுக் கொள்கின்றனர்.
இந்நிலையில் நடிகர் கார்த்தி தன்னுடைய முதல் டோஸ் தடுப்பூசியை எடுத்துக் கொண்டார். இதையடுத்து மக்கள் மத்தியில் தடுப்பூசி குறித்த பயம் இருப்பதன் காரணமாக விழிப்புணர்வை ஏற்படுத்தும் வகையில் தான் தடுப்பூசி எடுத்துக்கொண்ட போது எடுத்த புகைப்படத்தை தன்னுடைய ட்விட்டர் பக்கத்தில் பதிவிட்டுள்ளார்.