நாமக்கல் மாவட்டம் ஊரடங்கு விதிமுறைகளை மீறிய மொபைல் கடைக்கும், ஜெராக்ஸ் கடைக்கும் அதிகாரிகள் சீல் வைத்துள்ளனர்.
நாமக்கல் மாவட்டம் பரமத்திவேலூர் அருகே பாண்டமங்கலம் பகுதியில் ஊரடங்கை மீறி மொபைல் கடை திறக்கப்பட்டுள்ளதாக காவல்துறையினருக்கும், பேரூராட்சி அதிகாரிகளுக்கும் தகவல் கிடைத்துள்ளது. அதன்படி அதிரடி சோதனையில் ஈடுபட்ட பரமத்தி வேலூர் போலீஸ் சூப்பிரண்டு அதிகாரி ராஜாரணவீரன் தலைமையில் இன்ஸ்பெக்டர் லட்சுமணன், கண்டமங்கலம் பேரூராட்சி செயல் அலுவலர் உமாராணி, துப்புரவு மேற்பார்வையாளர் ஜனார்த்தனன் உள்ளிட்டோர் சம்பவ இடத்திற்கு சென்றுள்ளனர்.
அப்போது பாண்டமங்கலத்தில் ஊரடங்கு விதிமுறைகளை மீறி செயல்பட்ட பேக்கரிக்கும், மொபைல் கடைக்கும் சீல் வாய்த்த போலீசார் 5,000 ரூபாய் அபராதமும் விதித்துள்ளனர். இதனையடுத்து வெங்கரை பேரூராட்சி பகுதிகளில் ரோந்து சென்ற பேரூராட்சி செயல் அலுவலர் யமுனாராணி ஊரடங்கை மீறி செயல்பட்ட ஜெராக்ஸ் கடைக்கும், மொபைல் கடைக்கும் 5,000 ரூபாய் அபராதம் விதித்து சீல் வைத்துள்ளார். மேலும் தேவையின்றி இருசக்கர வாகனங்களில் சுற்றித்திரிந்தவர்களையும் காவல்துறையினர் எச்சரித்துள்ளனர்.