அனுமதி இல்லாமல் மணல் அள்ளிய டிராக்டரை பறிமுதல் செய்ததோடு, வாலிபரை காவல்துறையினர் கைது செய்துயுள்ளனர்.
அரியலூர் மாவட்டத்திலுள்ள நெட்டலக் குறிச்சி பகுதியில் அமைந்துள்ள ஓடையில் இருந்து அனுமதி இல்லாமல் மணல் கடத்தப்படுவதாக காவல் துறையினருக்கு ரகசிய தகவல் கிடைத்துள்ளது. அந்த தகவலின் படி காவல்துறையினர் அப்பகுதிக்கு சென்றபோது மணல் அள்ளிக் கொண்டு டிராக்டர் ஒன்று சென்றது. இந்நிலையில் அந்த டிராக்டரை காவல்துறையினர் நிறுத்தி நடத்திய விசாரணையில் அவர் அப்பகுதியில் வசிக்கும் பாரதி என்பதும் அனுமதி இல்லாமல் மணல் கடத்தி வந்ததும் தெரியவந்துள்ளது.
இதனையடுத்து காவல்துறையினர் அனுமதி இல்லாமல் மணல் அள்ளுவதற்கு பயன்படுத்தி டிராக்டரை பறிமுதல் செய்தனர். மேலும் அனுமதி இல்லாமல் மணல் அள்ளிய குற்றத்திற்காக வழக்குப்பதிவு செய்த காவல்துறையினர் பாரதியை கைது செய்து தீவிர விசாரணை மேற்கொண்டு வருகின்றனர்.