நாமக்கல் மாவட்டத்தில் அனுமதியின்றி திறந்த ஸ்டேஷனரி கடைகள் உட்பட 4 கடைகளுக்கு போலீசார் சீல் வைத்துள்ளனர்.
நாமக்கல் மாவட்டம் பரமத்தி வேலூர் பகுதிகளில் கொரோனா ஊரடங்கு மீறி அனுமதி வழங்கப்படாத கடைகள் திறக்கப்பட்டுள்ளதாக காவல்துறையினருக்கு தகவல் கிடைத்துள்ளது. அந்த தகவலின் அடிப்படையில் நாமக்கல் துணை போலீஸ் சூப்பிரண்டு அதிகாரி ராஜாரணவீரன் உத்தரவின்படி பரமத்திவேலூர் இன்ஸ்பெக்டர் லட்சுமணன் மற்றும் சுகாதாரத்துறை அதிகாரிகள் சம்பவ இடத்திற்கு விரைந்து சென்றுள்ளனர்.
இதனையடுத்து அப்பகுதியில் அனுமதியின்றி 2 ஸ்டேஷனரி கடைகள், பேட்டரி கடை, அண்ணா சிலை அருகிலுள்ள பூட்டு சாவி சர்வீஸ் கடை ஆகியவை திறக்கப்பட்டு இருந்தது. இதனைத்தொடர்ந்து காவல்துறையினர் மற்றும் சுகாதார அதிகாரிகள் அந்த கடைகளை பூட்டி சீல் வைத்துள்ளனர் .மேலும் கடை உரிமையாளர்களிடம் 5,000 ரூபாய் அபராதம் விதித்த போலீசார் இத்தகைய செயல்களில் மீண்டும் செய்யக்கூடாது எனவும் எச்சரித்துள்ளனர்.