“உன்ன சுட்டு கொன்னுருவேன்” அச்சத்தில் உறைந்த பெண்… காவல்துறையினரின் அதிரடி நடவடிக்கை…!!

மனைவியை துப்பாக்கியால் சுட்டுக் கொலை செய்து விடுவேன் என கணவர் மிரட்டல் விடுத்த சம்பவம் அதிர்ச்சியை ஏற்படுத்தியுள்ளது.

பெரம்பலூர் மாவட்டத்திலுள்ள தொண்டமாந்துறை பகுதியில் கர்ணன் என்பவர் வசித்து வருகிறார். இவருக்கு விஜயா என்ற மனைவி உள்ளார். இவர் அரசு மருத்துவமனையில் லேப் டெக்னீசியனாக வேலை பார்த்து வருகிறார். இந்நிலையில் கணவன் மனைவிக்கு இடையே குடும்ப பிரச்சினை காரணமாக தகராறு ஏற்பட்டபோது, கோபத்தில் கர்ணன் தனது வீட்டில் வைத்திருந்த நாட்டு துப்பாக்கியை எடுத்து விஜயாவை சுட்டு விடுவதாக மிரட்டியுள்ளார்.

இதுகுறித்து விஜயா அரும்பாவூர் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் விஜயாவை துப்பாக்கியால் சுட்டு விடுவதாக மிரட்டிய அவரது கணவரை கைது செய்து விசாரணை நடத்தி வருகின்றனர். மேலும் அவரிடம் இருந்த நாட்டு துப்பாக்கியை காவல்துறையினர் பறிமுதல் செய்து விட்டனர்.