கட்டுப்பாட்டை இழந்த லாரி சாலையோரத்தில் கவிழ்ந்த சம்பவம் பரபரப்பை ஏற்படுத்தியுள்ளது.
கிருஷ்ணகிரி மாவட்டத்தை நோக்கி கோழி தீவனம் ஏற்றிக்கொண்டு கர்நாடக மாநிலத்திலிருந்து லாரி ஒன்று புறப்பட்டுள்ளது. இந்த லாரியை தர்மபுரி மாவட்டத்தில் வசிக்கும் சண்முகம் என்பவர் ஓட்டிச் சென்றுள்ளார். அவருடன் கிளீனராக பசுபதி என்பவரும் இருந்துள்ளார். இந்நிலையில் இந்த லாரி கெலமங்கலம் பகுதியில் சென்று கொண்டிருக்கும் போது திடீரென டிரைவரின் கட்டுப்பாட்டை இழந்து தாறுமாறாக ஓடி சாலையோரம் இருக்கும் பள்ளத்தில் கவிழ்ந்து விட்டது.
இந்த விபத்தில் லேசான காயங்களுடன் டிரைவரும், கிளீனரும் அதிஸ்டவசமாக உயிர் தப்பியுள்ளனர். இதனையடுத்து காயமடைந்த இருவரையும் அருகில் உள்ளவர்கள் மீட்டு கெலமங்கலம் அரசு மருத்துவமனையில் சிகிச்சைக்காக அனுமதித்துள்ளனர். மேலும் இதுகுறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.