எல்லாத்தையும் இங்க தான் போடுறாங்க… நோய் பரவும் அபாயம்… அதிகாரிகளுக்கு கோரிக்கை…!!

குப்பைகளை அகற்ற உரிய நடவடிக்கை எடுக்க வேண்டும் என அதிகாரிகளுக்கு கம்யூனிஸ்டு கட்சியினர் கோரிக்கை விடுத்துள்ளனர்.

திருப்பூர் மாவட்டத்தில் உள்ள மடத்துக்குளம் பகுதியில் இருக்கும் அமராவதி ஆற்றுப் பாலம் வழியாக தினமும் நூற்றுக்கணக்கான வாகனங்கள் சென்று வருகின்றன. இந்நிலையில் இந்த ஆற்று பாலத்தின் அருகில் இறைச்சி மற்றும் மருத்துவ கழிவுகளை குவித்து வைத்துள்ளனர். எனவே மடத்துக்குளம் பகுதியில் இருக்கும் கம்யூனிஸ்டு கட்சியினர் ஆற்று பாலம் பகுதியில்  குப்பை கொட்டுவதை தடுக்க நடவடிக்கை எடுக்க வேண்டும் என அதிகாரிகளுக்கு கோரிக்கை விடுத்துள்ளனர்.

மேலும் இவ்வாறு கொட்டப்படும் இறைச்சி மற்றும் மருத்துவ கழிவுகளால் அங்கு சுகாதார சீர்கேடு ஏற்பட்டு அவ்வழியாக செல்பவர்களுக்கு நோய் பரவும் அபாயம் உள்ளது. எனவே குப்பை கொட்டப்படுவதை தவிர்த்து அந்த இடத்தை தூய்மையாக வைக்க நடவடிக்கை எடுக்க வேண்டும் என கம்யூனிஸ்ட் கட்சியினர் கோரிக்கை விடுத்துள்ளனர். இதற்கு உரிய நடவடிக்கை எடுக்கவில்லை என்றால் மடத்துக்குளம் பேரூராட்சி அலுவலகத்தை முற்றுகை இடுவோம் என தெரிவித்துள்ளனர்.