ஊரடங்கு விதிமுறைகளை மீறி விற்பனை செய்த இரண்டு ஜவுளி கடைகளுக்கு அதிகாரிகள் சீல் வைத்துள்ளனர்.
தமிழகத்தில் கொரோனா வைரஸ் பாதிப்பு இரண்டாம் அலை வேகமாக பரவி வருகின்றது. இதனைக் கட்டுப்படுத்தும் வகையில் தமிழக அரசு சில கட்டுப்பாடுகள் முழு ஊரடங்கை அமல்படுத்தியுள்ளது. இந்நிலையில் சென்னை மாவட்டத்தில் உள்ள அருப்புக்கோட்டை பகுதிகளில் உள்ள ஜவுளி கடைகளில் ஊரடங்கு விதிமுறைகளை மீறி விற்பனை செய்யப்படுவதாக தாசில்தாருக்கு ரகசிய தகவல் கிடைத்துள்ளது. அந்த தகவலின்படி தாசில்தார் ரவிச்சந்திரன் மற்றும் வருவாய் அலுவலர்கள் அப்பகுதியில் திடீரென ஆய்வு மேற்கொண்டனர்.
அப்போது அரசு விதிமுறைகளை மீறி இரண்டு ஜவுளி கடைகளில் விற்பனை செய்து கொண்டிருந்ததை பார்த்த அதிகாரிகள் உடனடியாக கடைகளில் உள்ள பொது மக்களை வெளியேற அறிவுறுத்தி விட்டு கடையை பூட்டி சீல் வைத்துள்ளனர். இதனையடுத்து அரசு விதிமுறைகளை மீறி செயல்பட்டுக் கொண்டிருந்த 2 காலணி கடைகளுக்கு ரூபாய் 2,000 அபராதம் விதித்து எச்சரித்துள்ளனர். மேலும் அதிகாரிகள் அப்பகுதியில் ஆய்வு செய்தபோது பர்னிச்சர் கடை ஒன்றிற்கு பூட்டுப் போட்டு விட்டு இதுபோன்று இன்னொரு முறை செய்தால் கடுமையான நடவடிக்கை எடுக்கப்படும் என்று எச்சரித்துள்ளனர்.