தேனி மாவட்டத்தில் மது கடைகள் திறக்கப்பட்டதையடுத்து நேற்று ஒரே நாளில் 3 கோடியே 95லட்சத்திற்கு மது விற்பனையாகியுள்ளது.
தமிழக அரசு நேற்று முதல் மது கடைகளை திறக்க அனுமதி அளித்துள்ள நிலையில் தமிழகம் முழுவதிலும் உள்ள டாஸ்மாக் கடைகளில் மது பிரியர்களின் கூட்டம் அலைமோதியுள்ளது. இதன்படி தேனி மாவட்டத்தில் சுமார் 93 மதுக்கடைகள் உள்ளன. இந்நிலையில் நேற்று மதுக்கடைகள் திறக்கப்பட்டதையடுத்து மதுபிரியர்கள் நீண்ட வரிசைகளில் காத்திருந்து மது பாட்டில்களை வாங்கி சென்றுள்ளனர். இதனால் ஒரே நாளில் எதிர்பாராத அளவிற்கு வருமானம் கிடைத்துள்ளது.
இதனையடுத்து சராசரியாக ஒரு நாளில் மதுக்கடைகளில் 1 கோடிக்கு மது விற்பனையாவது வழக்கம். ஆனால் நேற்று ஒரே நாளில் 17 லட்சத்து 65 ஆயிரத்துக்கு பீர் விற்பனையாகியுள்ள நிலையில், 3 கோடியே 78 லட்சத்திற்கு இதர மதுபான வகைகள் விற்பனையாகியுள்ளது. இந்நிலையில் மொத்தமாக 3 கோடியே 95லட்சத்து 70 ஆயிரத்திற்கு மது விற்பனை நடந்துள்ளது.