திருநெல்வேலி மாவட்டம் வீரவநல்லூர் பகுதியில் ஏற்பட்ட தகராறில் 3 பேரை அரிவாளால் தாக்கிய நபர்களை போலீசார் தேடி வருகின்றனர்.
திருநெல்வேலி மாவட்டம் வீரவநல்லூர் அடுத்துள்ள திருப்புடைமருதூர் பகுதியில் சுந்தர் ராஜ்(26) என்பவர் வசித்து வந்துள்ளார். இந்நிலையில் அவரும் அவரது உறவினருமான முத்துராமன் மற்றும் பேச்சு குட்டியுடன் நேற்று முன்தினம் வெள்ளாங்குழியில் உள்ள புரோட்டா கடைக்கு சென்றுள்ளார். இதனையடுத்து கொட்டாரகுறிச்சியை சேர்ந்த சங்கர் கணேஷ்(30) என்பவரும் அந்த கடையில் இருந்துள்ளார். அப்போது சங்கர் மற்றும் சுந்தர் ராஜ்க்கும் இடையில் தகராறு ஏற்பட்டுள்ளது.
இதனைத்தொடர்ந்து ஆத்திரமடைந்த சங்கர் அவரது கூட்டாளிகளுடன் இணைந்து கொட்டாரக்குறிச்சி பேருந்து நிறுத்தம் அருகில் வைத்து சுந்தர் ராஜ் மற்றும் அவரது உறவினர்களான முத்துராமன் பேச்சுக்குட்டியை அரிவாளால் தாக்கியுள்ளனர். இதில் அவர்கள் 3 பேரும் பலத்த காயமடைந்துள்ளனர். மேலும் அங்கிருந்தவர்கள் அவர்களை உடனடியாக சேரன்மகாதேவி அரசு மருத்துவமனையில் அனுமதித்துள்ளனர். இந்நிலையில் மேல் சிகிச்சைக்காக நெல்லை அரசு மருத்துவமனைக்கு அனுப்பி வைத்துள்ளனர். இச்சம்பவம் வீரவநல்லூர் போலீஸ் இன்ஸ்பெக்டர் ராஜ் வழக்கு பதிவு செய்து தலைமறைவான 3 பேரை தேடி வருகின்றனர்.