வேலூர் மாவட்டத்தில் வீட்டின் கதவை உடைத்து திருட முயன்ற கொள்ளையர்களை காவல்துறையினர் வலைவீசி தேடி வருகின்றனர் .
வேலூர் மாவட்டம் திருப்பத்தூரில் உள்ள இலக்கியநாயக்கன்பட்டியின் கிராமத்தைச் சேர்ந்தவர் சாந்தகுமார். நேற்று இவரது வீட்டில் ஆளில்லாத நேரத்தில் கொள்ளையர்கள் கதவை உடைத்து திருட முயற்சித்துள்ளனர் . அப்போது , கதவை உடைக்க முடியாத காரணத்தால் கொள்ளையர்கள் அங்கிருந்து திரும்பிச் சென்றனர். அதன்பின் , இந்த காட்சிகள் அருகே அருகே இருந்த சிசிடிவி கேமராவில் தெளிவாக பதிவாகியது.
மேலும் , கொள்ளையர்கள் இதற்கு முன்பு முரளி என்பவரின் வீட்டின் கதவை வெளிப்புறமாக பூட்டிவிட்டு அவரின் இரு சக்கர வாகனத்தை திருடியும் , வீட்டின் வெளியே அமைக்கப்பட்டிருந்த சமையலறையில் இருந்த உணவுப் பொருட்களை சாப்பிட்டு விட்டும் சென்றுள்ளனர். பின்னர் , காவல்நிலையத்தில் இது குறித்து வழக்கு பதிவு செய்யப்பட்டது . எனவே , காவல்துறையினர் சிசிடிவி காட்சிகளைக் கொண்டு கொள்ளையர்களை வலைவீசி தேடி வருகின்றனர்.