சூதாட்டம் விளையாடும் போது ஏற்பட்ட தகராறில் ஆட்டோ டிரைவர் குத்தி கொலை செய்யப்பட்ட சம்பவம் பரபரப்பை ஏற்படுத்தியுள்ளது.
சென்னை மாவட்டத்திலுள்ள ஈச்சம்பாக்கம் பகுதியில் ராம்குமார் என்ற ஆட்டோ டிரைவர் வசித்து வந்துள்ளார். இந்நிலையில் ராம்குமார் தனது நண்பர்களுடன் மது அருந்திவிட்டு ஒரு வீட்டில் வைத்து சூதாடியுள்ளார். இதனை அடுத்து ராம்குமார் அதிக பணம் சம்பாதித்தால் அவரது நண்பரான சிவாவிற்கும் அவருக்கும் இடையே வாக்குவாதம் ஏற்பட்டுள்ளது. இதனால் கோபமடைந்த சிவா தனது நண்பர்களான சுரேஷ், பாலாஜி உள்ளிட்ட 10 பேரை வரவழைத்து ராம் குமாரை சரமாரியாக தாக்கியதோடு, கத்தியால் குத்திவிட்டு தப்பி ஓடினார்.
இதில் படுகாயமடைந்த ராம்குமாரை அருகில் உள்ளவர்கள் மீட்டு சிகிச்சைக்காக சென்னை அரசு மருத்துவமனைக்கு கொண்டு சென்றனர். ஆனால் அங்கு அளிக்கப்பட்ட சிகிச்சை பலனின்றி ராம்குமார் பரிதாபமாக உயிரிழந்து விட்டார். மேலும் இச்சம்பவம் குறித்து வழக்குப்பதிவு செய்த காவல்துறையினர் குற்றவாளிகளை கைது செய்து விசாரணை நடத்தி வருகின்றனர்.